Programi "Nga konflikti në pajtim - Histori të të rinjve nga Serbia dhe Kosova" do t'u japë mundësinë pjesëmarrësve të tij që të vijnë në kontakt me bashkëmoshatarët nga Serbia/Kosova për të ndarë përvojat, perspektivat dhe narrativat e tyre me të cilat janë rritur.
Nisma e të Rinjëve për të Drejtat e Njeriut, Iniciativat Qytetare, OJQ Integra dhe Rrjeti Rinor i Edukimit për të Drejtat e Njeriut (HREYN) bëjnë thirrje për artistë të rinj nga Kosova dhe Serbia që të aplikojnë për pjesëmarrje në krijimin e veprave artistike bashkëpunuese që do të kontribuonin në bashkëpunimin ndërkufitar dhe shkëmbimin kulturor të dy shoqërive. Ky program do të bashkoj 18 artistë të rinj (nëntë nga Kosova dhe nëntë nga Serbia) të cilët janë të interesuar për marrëdhëniet mes Kosovës dhe Serbisë, dhe që janë të gatshëm të bashkëpunojnë dhe të vëzhgojnë në mënyrë kritike kontekstin bashkëkohor.
Nisma e Rinisë për të Drejtat e Njeriut (Iniciativa e Serbisë) fton të rinjtë e moshës 18 deri në 25 vjeç në një program dyditor në Beograd "Rrëfimet nacionaliste dhe historia e varrosur" mbi të drejtat e njeriut, me fokus të veçantë në marrëdhëniet ndërmjet Serbisë dhe Kosovës dhe implikimet që kjo marrëdhënie sjell sot.
Jemi të lumtur të ju njoftojmë pwr fillimin e Youth Generation Peace Activists (GPAN), një iniciativë që synon të nxisë ndryshime pozitive dhe bashkëpunim kuptimplotë ndërmjet aktivistëve të rinj nga Kosova dhe Serbia. Ky rrjet dinamik do të shërbejë si një platformë e strukturuar për komunikim, duke përforcuar zërat e aktivistëve dhe duke promovuar përpjekjet dhe iniciativat ndërkufitare, me fokus të veçantë në angazhimin grassroot.
Nisma e të Rinjve për të Drejtat e Njeriut në Serbi (YIHR Serbia) kërkon nga Ministria e Arsimit, Shkencës dhe Zhvillimit Teknologjik që të përcaktojë përgjegjësinë e Verica Letić, drejtoreshës së shkollës fillore “Đura Jakšić” në Kaç, për pjesëmarrjen e të dënuarit për krime lufte, Nebojša Pavković në një orë publike të organizuar nga kjo shkollë më 20 prill me temën “Koshare: Tregime të heronjve” në sallën e kësaj shkolle. Sipas të përditshmes “Politika” dhe video-raportit të portalit “Gradske info”, në këtë ngjarje publike ka folur edhe kryetari i komunës së Novi Sadit, Milan Đurić. Prandaj u bëjmë thirrje grupeve të këshilltarëve në Kuvendin e qytetit të Novi Sadit që të iniciojnë shkarkimin e kryetarit të komunës, sepse prania e tij mbështeti pjesëmarrjen e Pavković në këtë ngjarje dhe normalizoi paraqitjen e një krimineli lufte si hero para një audience që përfshinte nxënës/e të shkollave fillore.
