Në vazhdën e ngjarjeve që shënuan vitin që së shpejti do të lëmë pas, Iniciativa e të Rinjve për të Drejtat e Njeriut, në bashkëpunim me Iniciativën e Ndryshimit Paqësor, do të organizojnë një program për të rinj dhe të reja të moshave 18 deri 27 vjeç, nga Kosova dhe Serbia. Programi rinor “Ne kemi rëndësi” do të mbahet në Beograd, nga data 13 deri 17 Dhjetor 2022. Programi do të zhvillohet në gjuhën angleze.
Organizatat e shoqërisë civile nga Kosova dhe Serbia kanë shprehur përkrahjen e tyre për z. Miodrag Milicevic nga OJQ Aktiv, i cili është sulmuar verbalisht dhe fizikisht nga një pjesëtar i njësitit special të Policisë së Kosovës në afërsi të vendkalimit në veri të Kosovës, në Jarinje.
Duke pasur parasysh raportet e BE-së dhe zhvillimet e fundit në terren, ne të poshtë-nënshkruarit, jemi të shqetësuar për impaktin e mungesës së progresit në dialogun Beograd-Prishtinë mbi komunitetet lokale në Serbi dhe Kosovë. Qytetarët janë ata që vuajnë më së shumti nga vazhdimësia e tensioneve dhe mosbesimit. Prandaj, të gjitha palët duhet të reshtin retorikën e zjarrtë që cenon dhe dëmton marrëdhëniet brenda dhe ndërmjet komuniteteve. Shtrirja e paqartësive duhet të reduktohet përmes transparencës dhe llogaridhënies. Të gjithë qytetarët duhet ta kenë të qartë se çfarë është rënë dakord, ndërsa vetë procesi i dialogut duhet të afrohet me vetë qytetarët e prekur prej tij.
